21.9.08

Vrespe en prat


Adixatz monde, no sèi pas tròp qué escríver, dongas que vòi hèr simple: que'v voi condar era mia vita.
Mes precisament, dissabte passat:

Qu'èri ena proprietat deths grands-pairs, en Bigòrra, un terrenh de dus ectares en baixa montanha. Eth paisan qui s'aucupa dera arredalhada qu'avè deixat darrèr eth quauques centènas de quilos de gèrba.
Que calè dongas aucupà-se'n: era mair-bona qu'apèra acò "balhar" (O lhèu "valhar"?).
No pas eth sinonime deth vèrbe "dar", eh.
Simplament, que cau arresterar eras artòrclas, botar tot en ua grand tela plastica (eh ò que sèi, qu'ei mau), e, en fin de vrèspe, après quauques anar-tornar en casau, tot eth balhadís qu'èra acudat en un còrn deth casau enta hèr compòst. Que pòt semblar estar un esperdici, mès qu'ei aquerò o cresmà'u.

N'èi pas nada fòto d'aquèra hèita - era sòr que m'a panat era mia camèra e que la s'ei presa a Lyon! - dongas, enta illustrar aqueste article, qu'èi prés ua vielha fòto d'ua hloreta primaverau. Si i a expèrts en botanica ací...

Bona fin de dimenjada e bon coradge enta començar ua navèra semmana, e ua aute, e ua aute, e ua aute... huhu!

14 commentaires:

Anonyme a dit…

Adieu Florenç!
Coneissiái pas lo tieu blòg, veni de veire ton comentari dins lo blog dau Yuji e per aquò ai vengut visitar lo tieu blòg! Vòls èstre sòci dau Bloguitge, lo malhum de blògs en occitan? Dins aquesta pagina dau mieu blòg Lo Bloguitge expliqui çò qu'es!

Amistats.
Axel
De causas e d'autras

Florent a dit…

Adiu axel ;)
Que no sòi un lòco de l'occitanisma, mès bon, perqué pas?
No sòi pas segur d'aver tot comprés enta inscríve's... E'm pòdes hornir en la lista deu Bloguitge?

Merci a tu :)

Hè beròi

Hlo

Florent a dit…

Tè, que'n profièiti enta't hornir en la mia lista personau.

Amistats

Anonyme a dit…

Lo bloguitge a pas realament quauqua ren que veire ambé l'occitanisme, sonque es un malhum de blògs en occitan (en totei lei lengas/dialèctes dei pais d'òc...), que parlan de tot e i a quasiment pas d'occitanisme primari ;) La lista dei blògs dau bloguitge es aquí: Lo Bloguitge Ja veiràs qu'i a de tot ;) Se vòls t'inscriure, ditz-me-lo!

E aviài doblidat: Òsca per lo tieu blòg!

Axel

Florent a dit…

Adiu,
Si, si, que'm voi inscríver!
E'm cau escríver un messadge dab l'adreça deu men blòg en lo forom?

Anonyme a dit…

Se vòls, as pas besonh de t'inscriure sus lo fòrum, o pòdi faire per tu! Se vòls t'inscruire sus lo fòrum, o pòdes faire tamben ;) Ja vau lor dire sus lo forum que vòls t'inscriure! Çò qu'as de faire, es copiar lei liames ai blògs dau Bloguitge sus ton blòg, sonque aquò!

優次 (Yuji) a dit…

Adiu!
Uff, quin trebalh!
Encara i demoren es tòns grandpairs, en aguesta proprietat?

PS: Veigui que tanben t'as apuntat ath Bloguitge... Alavetz planvengut! :D

Anonyme a dit…

E adieu pichon !
Soi una aura del Bloguitge, plan contenta de veire de blogaires novèls en occitan !
Vaqui lo mieu blòg, veiras ben que parli de… tot e de res ! ;)
http://senstitol.wordpress.com

Amistats lengadocianas ! :)

Florent a dit…

Adixatz a tots,

T@ Axel: Si pòdes insríve'm, lavetz qu'at voi plan!
Merci plan a tu :)

Sias hardit amic provençau!

Adiu Yuji!
Lavetz, era casa situada ena proprietat lor qu'ei ua vielha bòrda deras vacas, cambiada en ostalet quauques anadas-a. Dongas eths grandpairs n'an pas jamés viscut acerà (adara que víven en Lorda), mes ath viladge eth més pròixe (de qui s'apèra Aumes, Omex en francés). Mes aquesta proprietat qu'ei ena familha despuix generacions e qu'ei un plaser d'i tribalhar, com un ordi de tradicion... :)
Espèri qu'un dia poderèi víve'i!

Amistats ;)

T@ Lutz:

Adiu beròia!
Merci entau ton arcoelh, que'm hè gòi!
Que vòi dar un torn suu ton blòg de tira :)

Amistats Gasconas :D

Joan de Peiroton a dit…

Ei gojat! M'agrada lége't! As rason de nos condar çò qui hasós durant la dimenjada, en ac hent, que hès víver la leng(u)a!
Tau bloguitge, que't cau sonque penjar l'imatge deu bloguitge suu ton blòg dab la mencion malhum de blògs occitans e la lista deus ligams deus membres deu bloguitge, e seràs referençat suu siti que la Lutz a creat (trobaràs lo ligam suu men blog se'u tròbas pas alhors), cada còp qui tu penjaràs un missatge navèth, que i apareisherà, e veiràs, qu'auràs tot plen de lectors qui t'escriuràn en lengatge estranh mès plan simpatic!!

Luce a dit…
Ce commentaire a été supprimé par l'auteur.
Anonyme a dit…

Pfff… me fa cagar lo Blogger !
Avèm un novèl bloguitjaire ? T'as apondut al RSS Mixer :
http://www.rssmixer.com/mixes/10359-lo-bloguitge

Per veire la lista dels blògs, e cossi faire per botar lo Bloguitge sus lo teu, va visitar lo forum ! ;)
http://occitania.forumactif.com/ciber-cafe-f46/lo-bloguitge-malhum-de-blogs-occitans-t888.htm

Florent a dit…

Adixatz Joan (merci tau ton comentari!) e Lutz!

Justament que cercavi aquesta lista!

Merci a vosati dus :)

Hlo

Joan de Peiroton a dit…

Adiu gojat!
N'hasós pas arren la dimenjada passada????:))