E-ò, qu'ei era sason deras castanhas!
E si n'avetz pas era escadença de poder anar amassà'n quauques uas en bòsc, ta v'aconortar, aquiu qu'avetz ua cançoneta cantada per escolans aranés (Bossòst), trobada sus eth internet, e titolada "Era Castanhèra"!
Qu'avetz arremarcat de qu'aquesta video s'acaba dab un suberbeth << ATAU >>.
Tè, ja qui parlam de castanhas...
Era Castanha (deth latin "Castanea") qu'ei eth frut deth Castanhèr.
Eth castanhèr (nom sapient: "Castanea Sativa") qu'ei un grand arbo qui pòt víver enter 500 e 1000 ans (quauques son adjats de mes de 2000 ans). Qu'estó introdusit en tota Euròpa peths romans.
Qu'ei hèra cultivat a l'entorn de la mar Mediterranèa (mes tabé a noste, ens pirenèus) tara sua husta mes tabé e subertot tath sué frut, era castanha.
Après aver lhevat eth sué arisson, que's cosina de mantuas faiçons: borida dab era sua peth, qu'ei aperada "sabata"; borida sense era sua peth, que's dits "pelada". Qüand la hèn usclar o rostir, que l'apèran "iròla".
Que's pòt hèr tabé ua haria de castanhas, mes no'm demandatz pas si eth pan de castanhas ei bon, no'n sèi pas arré.
No v'èi pas aprés arré, mes au menx qu'èi escrivut quauqu'arré, hé hé!
Lavetz, bona serada, e bonas castanhas.
5 commentaires:
Doncas, òc! Totis ara castanhèra!!!!
Qu'auia es auriculars as audides en volume maximum... Bff, quin espant xD
Bona leçon sus es castanhères !
Aah Yuji! Content de't tornar véier!
E van plan eras tuas aurelhas?? :D
Ua classa de mainats "cantant" com hòus que pòt suspréner, qu'averi devut botar un avertissament!!! xD
Joan, pas nat arrapòrt, mès acò rai: Avança eth diccionari dera lengua gascona?
N'as pas dat navèras despuix quauques temps, mès qu'imadgini de que deu estar un hilh de puta de tribalh aquerò!
Adixatz a vosati dus ;)
Hlo
Hlorenç: Eth diccionari qu'avança a docetas, mès ath ritme actuau, que trigarà mes de vint ans...
Qu'èi sajat d'arrecrutar deth costat dera Universitat de Lhèida (prof. Aitor Carrera) tà que comencen d'autas lètras, sens nat succès dinc adara...
Arf!
Dentz 10 ans pensi que serèi pro qualificat enta ajudà't!
Qu'ei ja plan, no? xD
Vam! Coradge Joan! ;)
Enregistrer un commentaire