No v'avèvi pas dit: que i a un arriu suu terrenh familhau. Enfin, un arriu... un arriulet.
Mes aqueste arriulet qu'ei sec quasi tota l'anada.
Mes precisament, que podem véder aiga sonque dus o tres còps per an, a la desnevada o en cas de hòrta ploja.
Lavetz, a noste, qüand avem l'escandença de la poder véder, eh bé, que hèm la hèsta, nosati.
E justament, aqueste arriulet qui's nomenta "Era Glèra" (=eth glerèr), que'ns a amuixat la soa aiga, quauques dias-a.
No podoi pas préner fotos, lavetz, entad illustrar, aquiu qu'avetz un imadge de l'an passat.
No's ved pas sus la foto, mes oei que's pausan problemas d'erosion.
Avantz, segond la mair-bona, que's podèva passar xentz problèma d'ua arriba a l'aute. Ara, gràcias a las nostes amigas las vacas - qui's son passejada un drin tròp loenh deu lor camp - e a la hòrça destructora de l'aiga (qui pertant no briula pas hèra), que i a ua arralha de tres mètres enter lo lhèit de l'agau e l'arriba.
Lavetz, qué har? Qu'èi plantat un sarròt d'arbos sus l'arriba, mes aqueths no créixen pas pro viste.
Dongas pensi que vòi plantar uns bèths herèixos suu lhèit de l'agau, contra la paret de tèrra, ta minimisar l'erosion aiguèra e deu vent.
En esperar que poixca foncionar...
Eh! Ua beròia notícia!
Lo (suberbèth) drapèu gascon tan esperat qu'ei per fin arribat!!!!
Un HÈRA BÈTH MERCÉS tau Bin', xentz qui aqueste drapèu no seré probablament pas jamés materialisat!
Enta mes informacion, contactar Bin'.
Hètz beròi!
3 commentaires:
Un arriu! Per cèrt, òc que t'agrade eth camp, non?
Eth mèn pair-sénher auie tanben ua proprietat, a on an creishut ma mair e es sòns frairs. Quan encara ère viu, jo i anaua soent. Non m'agradaua bric pr'amor des insèctes e pr'amor que m'enlordia fòrça en tot jogar ena tèrra. Ath delà, de petitet queiguí d'un shivau, e alavetz jamès tornè a anar en shivau... Ara hè fòrça annades que non i vau, mès l'arrebrembi tostemp que i pensi. Que li shautaue fòrça es sues vaques, es sues garies, es sòns shivaus...
Òsca peth drapèu!!! Òc qu'ei bèth!!!!
E era nèsta aquesta, d'on arriba?? E'n coneishes eth uelh?
M'agrada eth cantar deths torrents...
T@th Yuji: Segur! Que m'agrada hèra era campanha! Qüand poix, que m'i vòi passar temps.
Que son tostemp bons soviéners de joentut en çò deths pairs-bons.
A vòste que deu estar un paisadge completament diferent de noste, mes, que't poix assegurar de que i an hèra d'insèctes tabé! Menx aquestes darrèrs temps (saloperia de pesticides), mès que i a tan de mosquits com avantz!
D'autescòps que'm hasèva puixèu, mès ara que'm sòi acostumat!
T@th Joan: Arf! B'èi sajat ja uns còps de pujar dinc ath oelh dera nèsta, mès no l'èi pas encoèra trobat (Nèi pas pro cercat, mès qu'at harèi de plan enta Nadau!)!
Jo tabé que m'agrada hèra eth cantar deths arrius... si podèvi enténer mes sovent eth dera Glèra, que serèi menx "estressat" en semmana, héhé!
Enregistrer un commentaire