29.8.09

Tribalh en camp


Coma eth an passat, oé qu'èra eth dia deth balhar.
Dus ectàrias ond cau amassar tot çò qui deixè eth paisan darrèr eth, qu'ei a díser quauques quilos d'ardalh. Que m'agrada hèra aqueste tribalh, permor que's pòt aulorejar era gèrba dalhada en tot mirar eths beròis païsadges dera vath Surguèra... un vertadèr plaser.
Engüan, comparat ath an passat, no i avèva pas hèra d'ardalh; qu'ei eth resultat d'un estiu mes sèc e un drin mes caut.
Mès totun era gèrba qu'ei de bona qualitat, segond Francés, eth païsan qui'ns dalha eth camp, e eras suas vacas no'nse'n planharàn.


Eth balhadís que serveixerà a hèr compòst o a palhar eths legumis deth casau, com eras mongetas, eths napos o eths porrets...






Aquiu que i a bèstias qui's conéixen en legumis e hruta. Justament, que'n gahèm ua, aquera vresperada: un beròi arrat dromilhós.



Hètz beròi...!

7 commentaires:

JP la rapieta a dit…

Adiu,
malaürosadament i a pas enquera las odors sus lo oeb o b'etot d'escran 3D per profitar de las fotòs, veire qua'iment un' imprimanta 3D per los legums.

Ne'n vole una cageta coma aqueus per setmana ;-)

JP

Florent a dit…

JP, que poderés proheitar mes de las fotos si èran de bona qualitat.
Malament n'avèvi pas que lo men telèfon portable, lavetz...
Per contra ta las aulors no poix pas har arré!

Adiu!

Florent a dit…

Salve Marlow!

Ho visto il tuo sito web, ci sono di molto belle fotografie!
Divento accanto un poco ridicolo col mio telefono cellulare!

(Scusami se ho fatto degli errori, perché ho utilizzato un traduttore su internet!!!)

"Hè beròi!" ;)

Hlorenç

Joan de Peiroton a dit…

Adiu Hlo!
Content de't véder tornat! E, la prauba bestiòta aquera, non la vatz pas guardar en gàbia, totun? Serà mes urosa dehòra, nham!

Florent a dit…

No, no! Que l'avem deixada quauques quilomètres loenh de la bòrda enta que no torne deguens ;)

Pòrta't plan!

優次 (Yuji) a dit…

En çò de ma mair, après que's moric mèn pair-sénher, arrés non s'interessèc guaire des causas deth camp. Que'm pensi, qu'eths hrairs de ma mair ja s'aurien venut toti es tèrras non siguesse pr'amor d'un deths mèn oncle, qui au vò mantier...

E jo, que sò ben de ciutat... E fòrça pauruc ! Eths amics dera uni se'n trufaven de jo eth aute dia pr'amor que non è caminat jamès descauç pera èrba... ;D

Florent a dit…

Qu'ei triste, deth mié costat tabé, era mietat deras tèrras familhaus qu'estón venudas...

Jo tabé que vadói e qu'èi tostem viscut en ciutat, totun, pòc a pòc, qu'èi començat a m'acostumar ara natura e oé eth dia que'm sòi convertit en aimador dera natura!

E caminar descauç pera gèrba, qu'at poderàs hèr qüand passes peth camp e que veieràs: qu'ei hèra agradiu!
Mès totun, jo que verifiqui tostem si n'èi pas gahat uns biòcs per aquiu enas camas...

Hè beròi!