27.8.08

Natura e Biodiversitat

Com at poderetz véder ath hiu d'aqueste blòg, (quauques anadas-a) que caió amorós dera natura e dera sua incredible diversitat, un ordi de presa de conciéncia, qué.
Nosati Gascons qu'avem eretat d'un país encoèra pro sauvadge e que'ns devem de'u protedjar contre eras agressions deth monde modèrne e deth "progrès" uman.
Quin hèr ath noste nivèu? Que i a un sarròt de causas hèra simples, no las vòi pas enumerar ací, que seré tròp long.
Mès qüand avem comprés eth enjòc, qu'ei aiga suber òli.

Pensi qu'era luta taras loengas e culturas minorisadas e luta contre era destruccion dera planèta que van amassa. Ta jo, qüand aimam eth sué país, qu'aimam era sua natura.

Jo, era mia Gasconha, que la voi pròpia, naturau, e sauvadge!

Lavetz, qüand dalharatz era vòste pelosa, ajatz ua pensada taras creaturas qui víven ena gèrba, com aqueth sapo (Aqueth que l'èi vist, urosament).
Plantatz arbos (mès pas n'importa qué, que'n parlarèi mes tard), minjatz biò e venetz era vòste veitura!

2 commentaires:

優次 (Yuji) a dit…

A dia d'aué, supausi que tot eth mon sabe que cau preservar era natura. Era gent n'ei conscient. Eth proplèu pas qu'ei que s'encueden que tanplan es petites causes, quan practicades per toti, poden auer d'efectes plan positius.

Florent a dit…

Que pòt semblar evident... mes qu'èi encontrat un nombre incarculable de personas qui no vòlen pas hèr eth esfòrç de menx polluïr.
Segond eths: "N'èm pas nosati qui salopem era natura, que son eths industriaus".
Qu'èm tots arresponsables dera preservacion dera natura... qüand vèi eth salopèr que i a en montanha, despausat peths randonadors, que'm hè hasti. Qüant de quilos de plastic èi amassat sus eths sendèrs de montanha? No'us compti pas mes...