Adixatz monde!
Que m'apèri Hlorenç (Oficiaument "Florent"...). Qu'èi 16 ans e que vivi en Biarn.
Que sòi a mieitat Biarnés e Bigordan, quauques originas lanusquetas e deu costat de Luixon.
No hèi pas aqueste blòg ta condar la mia vita suu net sinó ta-d amuixar que lo Gascon ei (encoèra) ua loenga viva.
Que saunèji d'ua Gasconha autonòma a la manèra de la Catalonha vesina, ond lo Gascon seré oficiau e emplegat en la vita vitanta.
Que seguèixi la sagà "loblògdeu...", iniciada peu Joan e seguit peu Txatti e peu Bin' quauques temps après e qui s'inscriu en la lista creixenta deus blòg en loenga gascona.
Aqueste blòg que serà escrivut en Gascon, de segur, mès en dus dialèctes: en Biarnés paulin e en Bigordan montanhòu (lavedanés). Que comprenetz dongas perqué "Lo/Eth blòg d'un Gascon"!
A còps que mesclanhi los dus, mès que m'at perdonaratz.
N'èi pas la pretencion de parlar perfectament la loenga deu Palai (Palay), dongas si hèi pècas, n'arroderatz pas a me n'informar. ;)
Siatz hardits!
8 commentaires:
Benviengut, Hlo! Bravo!!!
Adiu Hlo !
Quina beròia paja d'arcuelh !
Segur que'nse miarà lèu-lèu a un contengut qui balherà ENVEJA DE GASCONHA !
Merci a vosati!
Quin entosiasme Tederic!!! xD
No sèi pas si arribarèi a dar enveja de Gasconha, mès en tot cap, que sajarèi!!!
Adiu!
Que'm hè fòrça gòi de poder liéger mès blògs en gascon. Alavetz, demori que contunhes en tot escríuer e qu'aguest non sigue mès un d'aqueths blògs qu'acaben abandonadi dempús deth prumèr pòst.
Salutacions dempús Brasiu!
E la seguida, gojat ??? Condà'ns quauquarren, macarèu!
Qué hasós la dimenjada passada? Ei agradiu de víver a Pau? N'as pas vist un match de pelòta ? Qué pensas de l'occitanisme? Perqué emplegas la grafia reformada? Pensas que Sarkozy e los nostes deputats ajudan a la recuperacion e la reneishença deu gascon? Ne vedós pas nat film darrerament? T'agrada Verd e Blu? Qué haràs a la rentrada? 1 post per responsa, tà't pregar :D!!!
T@u Yuji: Adiu! Que'm hè hèra gòi de véder un brasilian qui parla Gascon! Quina suspresa! Lavetz la loenga deus Gascons partits tau navèth monde qu'ei tostem viva!
E no t'en hàcias pas, no vòi pas deixar aqueth blòg tan lèu!
Sias hardit!
T@u Joan: Eh bé! Drin de paciéncia!! N'èri pas a casa, aquestes dias!
Que sòi anat véder l'espausicion universau de Saragòssa. Quina mèrda, aquèra espausicion! Que'n harèi un article. ;)
Pòrta-t plan :)
Hlorenç
Adiu Hlorenç! Que hè gai de léger un blogaire tan joen qu'utiliza la lenga gascona! As plan arrason! Que la cau har víver, vivòsta! Lo gascon qu'ei coma ua flor qui non demanda pas mei que d'eslorir sus l'internet! T'èi ajustat a la mea lista!
"Lo gascon qu'ei coma ua flor qui non demanda pas mei que d'eslorir sus l'internet!"
B'ei beròi aquerò e b'ei vertat!
Que t'èi tabé hornit en la mia lista. ;)
Sias hardit!
Enregistrer un commentaire